रवि दाहाल-
वीरगन्ज । उद्योग र मानवबस्ती सँगसँगै विकास हुँदै जाँदा यहाँको औद्योगिक क्षेत्रमा तनाव उत्पन्न भएको छ । उद्योग व्यवस्थापनले करोडौं रुपैयाँको लगानीमा उद्योग स्थापना गरेपनि वातावरण प्रदुषण नियन्त्रणका लागी सामान्य मापदण्ड समेत पुरा नगर्दा द्वन्द्व झन् चर्किंदै गएको हो ।
प्रदुषणबाट आजित बनेका पसा्रको भवानीपुर गाविसका बासिन्दाहरु औद्योगिक करिडरका उद्योगबाट फैलिएको प्रदुषणविरुद्ध उद्योगमा तालाबन्दीदेखि लिएर जिल्ला प्रशासन कार्यालय घेराउसम्म गर्न बाध्य भए । पटक पटक आग्रह गर् यौं सर्वोच्च अदालतबाट आदेश समेत गरायौंभवानीपुरवासीले गठन गरेको वातावरणीय तथा पर्यावरणीय संरक्षण समितीका अध्यक्ष दिपेन्द्रिसंह पटेलले भनेबाध्य भएर चरणबद्ध आन्दोलनमा उत्रिएका छौं ।
चाचान समूहका कार्यकारी अध्यक्ष बाबुलाल अग्रवालले सर्वोच्चको आदेशको पालना गर्दै उद्योगले हालैमात्र पाँच करोड रुपैयाँ खर्चेर प्रदुषण नियन्त्रक उपकरण जडान गरेको दाबी गरे । यो समूहले भवानीपुरसँग सीमा जोडिएको बाराको लिपनीमाल गाविसमा नारायणी सिमेन्ट वनस्पती घिउ र दाल उद्योग साचालन गरिरहेको छ । उत्पादन प्रकृयामा उत्पन्न धुलो संकलन गर्न १७ वटा प्लान्टमा ५ करोड रुपैयाँभन्दा बढी लगानी गरेर ब्याग फिल्टर र अन्य उपकरण जडान गरिएको उद्योग व्यवस्थापनको दाबी छ ।
औद्योगिक करिडर अन्तर्गतकै सीमराको बजनी टोल छेउमै रहेको सिमेन्ट र फलाम कारखानाबाट २४ सै घण्टा निस्किने धुँवा धुलो र छाइका कारण मानव बस्ती नै विस्थापित हुने अवस्थामा पुगेको छ । स्थानीय बासिन्दा नानु भट्टराईले प्रदुषणका कारण फोहोर हुने डरले धोएका कपडा समेत झ्याल ढोका थुनेर कोठाभित्रै सुकाउनुपर्ने बाध्यता रहेको गुनासो गरिन् ।नेकपा एमालेका स्थानीय नेता समेत रहेका बजनी टोलका बासिन्दा मनोज पौडेलले उद्योगबाट निस्किने धुँवाले घरको पुरै कोठा नै भरिने गरेको गुनासो गरे । बजनी टोलमा जगदम्बा हुलास साखः स्टिल्स शालिमार सिमेन्टसहित एक दर्जन् उद्योग साचालनमा छन् ।
खेतबारीमा काम सकेर बेलुका घर फकिएर नाक सफा गर्दा वा खोक्दा कालो लेउ निस्किने गरेको छभवानीपुरका ७३ वर्षिय वृद्ध रामाज्ञा साहले भने घरभित्रै बसेर खाना खान समेत झ्याल ढोका थुनेर बस्नुपर्ने अवस्था छ ।
उद्योगले प्रदुषण फैलाएको भन्दै गाउँलेले चर्को आलोचना गरेपछि चाचान समूहले बिहीबार करिब चार घण्टा पत्रकारहरुलाई उद्योगको उत्पादन प्रकृयाबारे स्थलगत जानकारी गराउँदै पत्रकार सम्मेलन गरेको छ । उद्योगको ब्वायलर र धुँवा धुलो निस्क्निे अन्य मेशिन बन्द रहेको अवस्थामा व्यवस्थापनले साचारकर्मीलाई स्थलगत अवलोकन गराएको अवलोकनमा सहभागी साचारकर्मी रितेश त्रिपाठीले बताए ।अवलोकनका क्रममा उद्योगको चिम्नीबाट मसिनो धुँवा निस्किएको देखिएपनि प्रदुषणबाट पीडित भवानीपुरवासीसँग भेटेर फर्किएका साचारकर्मीले धुँवाको मुश्लो निस्किंदै गरेको फेला पारेका थिए ।
वीरगन्ज उद्योग वाणिज्य संघका अध्यक्ष अशोक टेमानीले राज्यले तत्काल हस्तक्षेपकारी भूमीका निर्वाह नगरे उद्योग र मानवबस्तीबीचको द्वन्द्व झन् झन् चर्किंदै जाने बताए । उनले भनेद्वन्द्व चर्किने सम्भावनालाई आंकलन गरेर हामीले डेढ दशक अघिदेखि नै वीरगन्ज-पथलैया औद्योगिक करिडरलाई औपचारिक मान्यता दिन सरकारसँग माग गर्दै आएका छौं ।
अन्नपूर्ण पोष्ट राष्ट्रिय दैनिकमा १८ भदौ २०६९ को अंकमा प्रकाशित
No comments:
Post a Comment
Please avoid abuse, we praise healthy comment and criticism.